Beth yw Ôl-osod a Sut Fedrith e Drawsnewid eich Cartref

Mae’n ddiwedd Chwefror. Erbyn hyn mae eich cartref wedi profi pedwar mis o dymhereddau oer ac hinsawdd gwlyb. Efallai eich bod chi wedi ei deimlo – drafftiau oerach, biliau drytach, cyddwysiad ar eich ffenestri.

I nifer, mae hwn yn rhan o fyw mewn tŷ yng Nghymru – realiti gaeafau oer a gwlyb, a stoc dai sydd ymhlith y lleia effeithlon yng ngogledd Ewrop. Fodd bynnag, does dim angen i bethau bod fel hyn. Does dim angen i’ch cartref fod mewn brwydr gyson yn erbyn yr elfennau. Gallwch ôl-osod eich cartref – a gwneud gwahaniaeth go iawn i’ch bywyd.

Ôl-osod yw’r broses o wella eich cartref i’w wneud mor iach, cyfforddus ac effeithlon i’r amgylchedd ag sy’n bosib. Mae’n debyg i adnewyddu tŷ, ond rydych chi’n blaenoriaethu a chanolbwyntio ar bethau sydd am wneud eich cartref i weithio’n well i chi; dim drafftiau, digon o awyr iach, a rheolaeth go iawn dros eich defnydd ynni.

Gyda gwasanaeth Cartrefi Clyd, bydd un o’n haseswyr ôl-osod arbenigol yn ymweld â’ch cartref ac yn siarad drwy’r hyn sy’n bosib i wneud er mwyn gwireddu ei botensial. Gallai hyn gynnwys insiwleiddio newydd, gwella ffenestri, gosod pympiau gwres adnewyddadwy, defnyddio teclynnau effeithlon o ran ynni, neu osod ynni adnewyddadwy. Mae pob cartref yn wahanol, a bydd y mesurau rydych chi eu hangen yn unigryw i chi. Bydd Cartrefi Clyd yn ystyried sut yr ydych chi’n byw yn eich cartref, a sut hoffech chi fyw yn eich cartref.

Mae ôl-osod yn fuddsoddiad hir-dymor i wella eich safon bywyd. Bydd yna gostau o flaen llaw i weld y prosiect i’w derfyn, ond bydd gwneud hynny’n galluogi chi i gael rheolaeth dros eich defnydd ynni, a chael eich ynysu o unrhyw sgytwadau yn y farchnad ynni.

Y cam cyntaf yw i archebu asesiad ar gyfer eich cartref. Dyma sut fyddwch chi’n gwybod pa gamau fydd angen i chi gymryd, sut i gymryd nhw, a phryd. Bydd ein tîm yn fwy na pharod i’ch tywys drwy’r broses.

Cofiwch, nid oes angen i chi deimlo oerfel a glaw’r gaeaf yn eich cartref  – gallwch ôl-osod!

Cysylltwch â ni i archebu eich asesiad nawr.